Allt annað en Mace

Ég hef það eftir fólki, sem hefur smyglað svokölluðu "Mace" varnargasi frá útlöndum, að þetta sé eitthvað allt annað og sterkara efni. Það verður fróðlegt að sjá hvernig Lögreglan reynir að ljúga sig úr þessu.

Spyrja um efni í lögreglugasi

Hvílík vitleysa

Alveg er það með eindæmum, hvað ríkisstjórnin er klaufaleg í tilburðum sínum til að bæta hag fólksins.
Og nú er það "Heilög Jóhanna" sem bregst. Það er heilt tíu þúsund manna þorp, með öllu tilbúið fyrir stúdenta, á Miðnesheiði, og góðar samgöngur til R.víkur, með stuðningi ríkisins. Á fjórða þúsund íbúðir standa auðar í Reykjavík, og útlit er fyrir að Ríkið (bankarnir) eignist þær fljótlega. Því ekki að nota þær ?. Leiguverð fer lækkandi, og sennilega er að verða til alvöru leigumarkaður í R.vík. Enginn skortur á húsnæði sem sagt, og þá ? Jú, Ríkið fer útí stórfelldar byggingar, með tilheyrandi kostnaði !! Hefði ekki verið nær, að nota þessa peninga í að opna einhverjar af þeim deildum, sem verið er að loka ?, t.d. geðdeildum um allt land ?!

Jóhanna, Jóhanna, nú skeistu laglega á þig, alveg uppá bak !!

Jóhanna tekur fyrstu skóflustunguna

Lætur ekki vita af sér ??

Samt heyrðust dynkir, sem eru  fyrirboði goss !  Ekki mjög hátt ?, 10 metrar eru nú 5 - 6 mannhæðir !   Hvernig "súla" myndast áður en Strokkur gýs ?Þurfa blaðamenn ekki að hafa lágmarks vit á því sem þeir skrifa um ??

Sluppu naumlega þegar Geysir gaus

Friðþæging !

Heldur var hann aumingjalegur, milljarðamæringurinn í gær.
370 milljónir eru náttúrulega ekki miklir peningar fyrir hann. Hvernig honum dettur í hug, að hann geti syndaaflausn fyrir 370 milljónir, veit ég ekki, hann skuldar þjóðinni, og okkur vaxtagreiðendum Glitnis milljarða !
Annars líst mér illa á allt þetta "launalækkunar" og "endurgreiðslu" tal, ég held að launalækkun þingmanna, og stjórnenda, sé bara til að nota sem vopn í komandi kjaraviðræðum. Til að benda á, þegar við, nauðbeygður "skríllinn" förum að heimta hærri laun.
Frekar en að þingmenn og stjórnendur "lækki" laun sín, um eitthvað sem skiftir þá engu máli, vildi ég sjá þetta lið standa sig betur í vinnunni.

Bjarni, skilaðu öllum þeim peningum, sem þú "vélaðir" útúr bankanum mínum, og komdu þér svo úr landi, þú ert búinn að fyrirgera öllum rétti til landvistar hér, sem frjáls maður.

Burt með þig !!

Endurgreiddi 370 milljónir

Kannski er ÞETTA það sem hún á við.

Hér er video: 

og hér er annað:  

 

Með óbragð í munni

Haarde gefur tóninn

Einhversstaðar er bréf frá intrum innheimtu þjónustu, til mín að þvælast.

Þess vegna vil ég að eftirfarandi komi fram:

Ég stofnaði til skulda, vegna þess að ég treysti og trúði Geir Haarde, og fleiri "landsfeðrum", þegar þeir sögðu: "hér ríkir stöðugleiki , og ekkert bendir til þess að það breytist í náinni framtíð"

"Hafi mér orðið á mistök, harma ég það". Og ég vona að lánadrottnar mínir fari ekki á neinar "nornaveiðar", eða "persónugeri" kreppuna í mér.

Slíkt tel ég alls ekki viðeigandi.

Kjúklinga og svínaskítur.

Er ekki búið að úða kjúklinga og svínaskít út um allt Kjalarnes undanfarin ár ?

Salmonellusýkingin úr tjörnum

Förum varlega.

Þá er nú mesta helgi Jólanna yfirstaðin, og fólk getur farið að verða "eðlilegt" á ný.

Ísraelar kusu að nota Jólin til að drepa nágranna sína. En við megum ekki gleyma að stríðið þar er fyrst og fremst pólítískt stríð, með hörmulegum afleiðingum, og að í þessum löndum býr fólk, sem þráir ekkert frekar en frið. Við megum ekki dæma alla Ísraela vegna þess, ekki gleyma heldur að skoðanir fólks þar eru mótaðar af því sem þeim hefur verið innrætt af pólitíkusum og prestum í mannsaldra. Svipaðir hlutir hafa gerst, og eru ennþá að gerast út um allan heim, en vegna staðsetningar Ísrael, og mikilvægi landsins í trúarbragða sögunni, horfir fólk frekar þangað en annað, þar sem svipaðir hlutir eru að gerast. T.d. eru hundruð, ef ekki þúsundir fólks drepin á hverjum degi víðsvegar í Afríku, og þar hafa þjóðarmorð átt sér stað, en ekki fengið sömu athygli og átökin í Ísrael. Jafnvel í Evrópu eru framin morð og illvirki af stjórnvöldum án þess að heilu þjóðirnar séu úthrópaðar.
Ég hef talsvert unnið með "venjulegum" ísraelum, ferðast um Ísland með þeim, og finnst þeir í engu frábrugðnir öðru fólki, reyndar finnst mér ísraelskir ferðamenn minna mikið á íslendinga: kröfuharðir, tillitslausir um siði annara, og háværir, alveg eins og t.d. íslenskir ferðamenn á Spáni. Ég hef orðið vitni að því, að annars sómakært fólk á Íslandi hefur sýnt gestum frá Ísrael fyrirlitningu og dónaskap eingöngu vegna þjóðernis þess, og hef meira að segja orðið vitni að því, að hótel hafa neitað ísraelum um þjónustu vegna þess eins að fólkið var frá Ísrael.

Eg ætla ekki að líkja saman gjörðir þeirra þrjátíu manna og þriggja kvenna, sem hér hafa valdið ómældum skaða og tjóni, og hafa jafnvel mannslíf á samviskunni, óbeint, og það, sem er að gerast í Ísrael.

En höfum hugfast, að okkur finnst í hæsta máta óeðlilegt að víð, almenningur skulum verða fyrir aðkasti útlendinga, og jafnvel vera hent út af gistihúsum fyrir það eitt að vera íslendingar.
Þó tókum við fullann þátt í útrásinni. Við glöddumst, og það hlakkaði jafnvel í okkur, þegar glæponarnir "okkar" keyptu stórmarkaði í Danmörku, og stofnuðu jafnvel dagblað þar, eða þegar þeir keyptu þekkt fyrirtæki í Bretlandi. Það var jafnvel haft í flimtingum að "við" værum að kaupa Danmörk og Bretland, og svona hálfpartinn gefið í skyn, að þeir væru aumingjar, sem ekkert kynnu, en "við" værum snillingar, sem gætum kennt þeim lexíu.
Og þessu trúði fólk, og veitti þessum glæponum orður, og þeir voru hylltir sem væru þeir þjóðhetjur.

Mér finnst að við ættum að fara varlega í að dæma heila þóð vegna gerða og skoðanna fárra glæpamanna. Og rétt eins og það er skammaryrði að vera "íslenskur útrásarvíkingur" eða seðlabankastjóri, skulum við sameinast í að gera "Ísraelska stjórnmálamenn" að skammaryrði, en hafa samúð með þeim þjóðum sem þjást vegna gerða glæpamannanna þar niðurfrá.

Röð loftárása á Gaza

Er þá USA á leið í kreppu ?

Samkvæmt hagfræði okkar helstu sérfræðinga í efnahagsmálum, þeim Árna og Davíð, hlýtur þetta að vera alröng aðferð að berjast við kreppu, þeir hefðu átt að HÆKKA vextina mennirnir.
Ætli þeir hafi ekki "fagmenn" til að stjórna peningamálunum þarna westra ?

Vextir 0-0,25% í Bandaríkjunum

Til varnar Reyni

Ég ætlaði að reyna að finna eitthvað til varnar Reyni, en eftir að hafa hlustað á, og horft á Kastljósið aftur, finn ég ekkert. Þetta er maðurinn, sem hélt uppi hörðum vörnum fyrir "upplýsingsskyldu" blaðamanna þegar barna perrinn á Ísafirði framdi sjálfsmorð í kjölfar fréttar DV.. Og núna segir hann sjálfur að þetta hafi svosem ekki verið nein "stórfrétt", en samt stoppaði hann hana til að "vernda blaðið" eða hvað? Hann nefnir stóra kalla og eigendur, og gefur í skyn, að þeir, eða einhverjir á þeirra vegum hafi stoppað fréttina.
Kannski er það bara rætin kjaftasaga, að hann hafi fengið íbúð í Skuggahverfi fyrir að vera leiðitamur. Eða hver á/átti Skuggahverfið ?
Það má velta því fyrir sér, hversvegna maðurinn, sem var holdgerfingur óvæginnar og óháðrar rannsóknarblaðamennsku er allt í einu orðinn leigupenni peningavaldsins.

Upptaka af útskýringum ritstjóra DV