Til Þórs Magnússonar

Sæll Þór,ljótt er, ef satt er.

     Ég verð að tjá mig um skrif þín í dag, varðandi ,,Hauntediceland.com", og draugagöngu þeirra.

     Hlutverk leiðsögumanna er ekki aðeins að segja ,,satt og rétt" frá landi og þjóð.  Hlutverk leiðsögumanna er líka að ,,skemmta" ferðafólki, meðal annars með sögum, sem sumar hverjar standast ekki nákvæma naflaskoðun, þjóðsögur t.d..

     Þessi saga, sem þú nefnir í grein þinni er greinilega ,,staðfærð og stílfærð" til að falla að þema ferðarinnar.  Það er óheppilegt að hún skuli verða til að særa tilfinningar fólks, og mér finnst að fyrirtækið, sem sér um þessar draugagöngur, hefði mátt vanda örlítið betur til.  T.D. er eins gott að vera með allt sitt á hreinu, þegar farið er með Íslenska ferðamenn í ferðir.   Mörg dæmi eru um að flökkusögur, og jafnvel samsuða margra sagna, hafa komið illa við fólk, sem tengjast stöðum eða persónum.  Má þar nefna ,,Skriðubústaðinn" undir Ingólfsfjalli og ,,bræðurna á Hallbjarnarstöðum".  Öðru máli gegnir um ferðir með útlendinga, og staðfæri ég oftsinnis t.d. söguna um Djáknann á Myrká, og flyt sögusviðið suður á land, ef svo ber undir, og tel ekki mikinn skaða með því.  En eins og þú réttilega nefnir, er vandmeðfarið, og nánast bannað að heimfæra raunveruleg leiði  fólks til flökkusagna af því tagi sem um ræðir.

     Jónas Freydal Þorsteinsson er ekki á lista yfir faglærða leiðsögumenn, hjá Félagi leiðsögumanna, né er hann með merki Ferðamálastofu á heimasíðu www.hauntediceland.com eða www.goecco.com  eins og honum ber, ef hann starfar sem ferðaskipuleggjandi, með viðurkenningu og leyfi frá Ferðamálastofu.

     Einnig vil ég benda á, að fleiri en einn skóli útskrifar leiðsögumenn, Ferðamálaskóli Íslands og Endurmenntun Háskóla Íslands.

     Það þarf enga viðurkenningu, eða nám, frá neinum skóla til að kalla sig leiðsögumann, jafnvel faglærðann leiðsögumann, eins og þú veist, sem hefur þó margsinnis verið titlaður leiðsögumaður, en nafn þitt er ekki á skrá yfir fagmenntaða leiðsögumenn, hjá félagi leiðsögumanna.

     Mér finnst eins og reiði þín beinist að ósekju að Leiðsöguskóla Íslands og að Félagi leiðsögumanna, sem hefur vissulega siðareglur, sem allir leiðsögumenn ættu að fara eftir :

  file:///Users/borkur/Desktop/Félag%20leiðsögumanna%20-%20Siðareglur.webloc

      Að lokum, eins og þér, finnst mér að þarna hafi ekki verið staðið vel að verki, og leiðinlegt að það skuli hafa valdið þér og fjölskyldu þinni sálarangist.  En varast skyldir þú, að draga þá ályktun að atvik sem þetta sé ,,almennar starfsaðferðir" faglærðra leiðsögumanna, eða að faglærðir leiðsögumenn eða aðrir, sem að ferðamálum koma, telji þetta ferðaþjónustu í landinu til tekna.

     En á meðan menntun og starfsréttindi eru einskis virt, af yfirvöldum mennta og ferðamála í landinu, er alltaf hættan sú, að metnaður of fagmennska víki fyrir öðrum sjónarmiðum.

              Börkur Hrólfsson, faglærður (en réttindalaus) leiðsögumaður, frá Leiðsöguskóla Íslands.

 

 

Náttúruhamfarir !

Hvað með Viðlagasjóð ?, á hann ekki að bæta tjón, sem verður í náttúruhamförum ?

Annars er það alveg hrikalegt, og okkur til skammar, að björgunarfólk skuli þurfa að standa í málaferlum (sem það venjulega tapar) til að reyna að fá einhverjar bætur, ef það slasast við björgunar aðgerðir.
Mér dettur í hug maðurinn, sem stakk sér í sjóinn og bjargaði skipsfélaga sínum, en slasaðist og varð öryrki, þegar skipsfélagar hans hífðu hann um borð aftur. Hann stóð í margra ára stappi við að fá bætur, vegna þess að ,,enginn skipaði honum að fara í sjóinn á eftir skipsfélaga sínum", hann var heppinn að fá ekki sekt.
Fleiri dæmi má vafalaust telja.
Mér finnst að þeir, sem slasast eða farast við björgunarstörf, eigi skilyrðislaust að fá medalíur, og þær hæstu bætur, sem hugsast getur, strax! Síðan geta yfirvöld og tryggingar rifist um það eftirá, hver á að borga brúsann. Það er til háborinnar skammar að tryggingarfélögin skuli reyna að koma sér undan að greiða bætur til þessa fólks, sem er tilbúið til að fórna fjölskyldulífi, frítímum, limum og lífi, til að hjálpa öðrum í neyð !!

Bílatryggingar bæta ekki tjón vegna snjóflóðs

Enda ókeypis !

Íslendingar eru með lélegasta amannatrygginga kerfi í norður Evrópu. Styzta fæðingarorlof á Norðurlöndum, og þó víðar væri leitað. Og nú vilja yfirvöld stytta það enn meir.
Ég held að í núverandi kreppuástandi, væri nær að lengja fæðingarorlofið, og opna með því aðgang að vinnumarkaðinum fyrir fleiri.
En nei, þetta lið á þingi er svo gersamlega hugmyndasnautt og komið útí horn, að það eina sem því dettur í hug, eru skattahækkanir og afnám bóta og réttinda.
Hvernig er það, hafa ríkisstarfsmenn þ.m.t. þingmenn ekki ennþá margfaldann lífeyrisrétt, ávið almúgann ? Og alls kyns fríðindi s.s. bílastyrki, einkabílstjóra jafnvel, svo þeir þurfi ekki að aka drukknir heim, (einhver skrifaði um að þingmenn væru mikið drukknir í vinnunni, ,,að landinu væri stjórnað af drukknu fólki"), Hvernig væri að afnema ,,skúffufé" ráðherra ?, það myndi áreiðanlega skaga hátt í fæðingarorlofs skerðinguna.
Og hvað er þetta með sjómanna afsláttinn ? Auðvitað á að afnema hann, og láta útgerðina bæta sjómönnum það upp. Og ef útgerðin er það illa stödd, að hún getur ekki greitt mönnum sínum laun, án hjálpar hins opinbera, á hún að sjálfsögðu að leggja upp laupana, skila inn kvótanum, og leyfa öðrum að spreyta sig, nógir eru um hituna.

En á meðan ekkert er gert, heldur fólk áfram að ríða, enda er það góð og holl afþreying í sálarskammdeginu, nógur er tíminn í atvinnuleysinu.

Íslendingar geta börn í kreppu

Enda fáránlegt mannvirki

Lýsandi dæmi un hvernig umferðarmannvirki eiga EKKI að vera !

Umferðareyja fyrir ökumönnum

Velja þarf nöfn af kostgæfni

Ég hef aldrei skilið þessa mannanafnanefnd (hvað eru eiginlega mörg n í þessu ?).
Helst vildi ég sjá hana aflagða, og ábyrgð nafngiftar velt yfir á foreldra eða forráðamanna.
Það er margt, sem þarf að hafa í huga þegar manneskju er gefið nafn. Svo sem, hvað nafnið þýðir, hverju það tengist og hvort manneskjan á eftir að verða fyrir aðkasti vegna þess.
Börn eru miskunnarlaus, þegar kemur að einelti og stríðni, og þá getur skift máli að heita réttu nafni.
Mér dettur í hug nokkur algeng Íslensk nöfn:
Appelsínu - Börkur
Lyga - Mörður
Álfur - út úr hól
Gróa - á Leiti
Guð ríður Jónsdóttir
(H)Rútur
Hrífu - Tindur
Truntu - Sól
Heiður - himinn
At - Geir
For - Ljótur
Allt eru þetta nöfn, sem eru upplögð til að nota til að stríða og meiða. Ábyrgð foreldra, sem skíra börn sín þessum nöfnum, er mikil, en hún á að vera þeirra. En ekki einhverrar nefndar út í bæ. Reyndar er alveg viðbúið að prestar eða aðrir þeir, sem að nafngiftinni koma, geti neitað eða að minnsta kosti reynt að hafa áhrif til hins betra, ef þykir.

Mér dettur í hug nokkur erlend mannanöfn, þýdd yfir á Íslensku:
Róbert Rauðavað
Alistigi Elska
Jonni skiftimynt
Glóbrystingur Hetta. Ég læt ykkur eftir að finna út hverjir þetta eru.

Einnig eru nöfn, sem vísa í staðinn þar sem börnin voru getin:
http://www.mbl.is/mm/folk/frettir/2009/11/21/nefndu_barnid_eftir_bilnum/?ref=fpverold
Chelsea Clinton
Atlavík Jónsdóttir

Og svo er það Ríkið, sem getur klikkað, eða er þetta með vilja gert.
Skírðu banka eftir Dýrafóðri: http://www.arion-petfood.sk/menu.php?id=menu/pes/standard

Við þykjumst vera svo fordómalaus, sem mest má, og bjóðum velkomið fólk allstaðar að úr heiminum. Og á mannamótum tölum við um að ,,Ísland sé orðið fjölþjóða samfélag", en samt má fólk ekki skíra börn sín nöfnum, sem þykja góð og gild í þeirra menningu. Svo sem Emmanuel, sem þýðir reyndar ,,guð meðal oss" eða eitthvað í þá veruna, Bastian, sem er þó einn þekktasti bæjarstjóri heimsins, og á Íslandi. Og Milica er gott og gilt nafn meðal fólks frá gömlu Júóslóvakíu og svæðum þar í kring. Ég er einnig viss um að Aisha er gott og gilt nafn.
Ég man í augnablikinu eftir að minnsta kosti tveimur Fyrrverandi ráðherrum, og einum óbreyttum þingmönnum á Alþingi Íslendinga, sem fengu að nota erlend nöfn sín, hvort sem þau voru fædd hérlendis eða ekki, en öll voru þau Íslenskir Ríkisborgarar.

Ég vil mannanafnanefnd (6 N !!) í burt, að mínu mati er hún leifar af gamalli hugmyndafræði Nasista og þjóðernissinna, og á ekki heima í ,,Fjölþjóða samfélaginu Íslandi"

P.S. Ég hefði verið mjög ánægður með að heita Jón.

Fá ekki að heita Emmanuel og Milica

Auðvitað á hann að hneigja sig !

Þegar fólk (og forsetar), ferðast til annara landa, á fólk að hafa siði og venjur þess lands í heiðri.
Það getur verið að Obama sé æðsti maður Bandaríkjanna, en í Japan er það keisarinn.

Að hneigja sig eða hneigja sig ekki

Skattahækkanir - Gott mál.

Mér finnst þessar hugmyndir ríkisstjórnarinna hið besta mál. Samkvæmt þessum hugmyndum verður fólk með allt að 400.000 Kr. með lægri skatta en nú, meðan fólk með hærri tekjur borgar meira.
Margir hafa velt því fyrir sér, hvort þetta þýði ekki að fólk hætti að vinna yfirvinnu, þar sem helmingurinn af laununum myndi fara beint í skatta, Jú vonandi!.
Þetta gæti þýtt að í stað þess að fólk leggði á sig endalausa yfirvinnu, þá þyrfti fólk að breyta lífstíl sínum aðeins. Gera eins og gert er víðast í Evrópu.
Hætta að vinna á skikkanlegum tíma, og eyða meiri tíma með fjölsyldunni. Það gæti þýtt minni kostnaður vegna aukatíma í pössun fyrir börnin. Meiri tíma í matseld = minni unnin matvara, og þar af leiðandi ódýrari og hollari.
Minna verslað í ,,klukkubúðum", og þar af leiðandi hellings sparnaður fyrir heimilið. Meiri tími fyrir útivist og holla hreyfingu = betri heilsa. Styttri vinnutími þýðir líka meiri tími til að koma sér í og úr vinnu (vinnutími væri 8 - 5 eða 10 - 7 ), og þar af leiðandi betri grundvöll fyrir almenningssamgöngur. Í stað þess að endurnýja heimilis bílinn á örfárra ára fresti, færi fólk frekar með hann á verkstæði til viðhalds. Það skapar störf, og minnkar innflutning. Fólk færi kannski að ferðast meira innanlands, frekar en að fara tvisvar á ári til sólarlanda, eins og alsiða var orðið.
Vinnuveitendur þyrftu að ráða fleira fólk, til að fá sömu framlegð og áður, þegar fólk vann 10 - 12 tíma á dag. Það er atvinnuskapandi, en ég held að við verðum að skapa fleiri ,,millilauna" störf, frekar en örfá ,,hálaunastörf" eða mörg ,,láglaunastörf".
Jafnframt þessum breytingum yrði mikil breyting til góðs á fasteignamarkaðnum, íbúðaverð yrði að laga sig að tekjum fólks. Jafnvægi gæti skapast. Og kannski sæjum við loksins raunverulegann leigumarkað, eins og þekkist víðast hvar í heiminum, nema hér.
Til þess að þetta geti orðið að veruleika þurfa allir að taka þátt í dæminu, og til að tryggja það þurfum við sterk verkalýðsfélög. Því miður hafa verkalýðsfélögin flest breyst úr því að vera félög, sem standa vörð um kjör verkalýðsins í að vera handbendi atvinnurekenda, stjórnað af vanhæfu fólki, sem hugsar um það eitt að skara eld að eigin könnu, og mýkja undir eigin rassi. Það hefur varla þekkst almennilegur verkalýðsforingi hér síðan áður en Gvendur Jaki var keyptur af auðvaldinu, og sveik þar með verkalýðinn. (Ég trúi því að það hafi verið ákveðin elliglöp hjá honum)
Nú ríður á að fólk noti þetta tækifæri til að breyta þjóðfélagsháttum hér til hins betra. Hætti græðgisvæðingunni, og taki upp nýjan og betri lífsstíl, til frambúðar.
Nú ríður á að verkalýðsforystan fari að sinna sínu, og hætti að ganga erinda atvinnurekenda, eins og hún hefur gert uppá síðkastið, um það eru mýmörg dæmi. Þar tel ég helsta: forystu ASÍ og Eflingar, en auðvitað eru fleiri, sem hafa svikið fólkið sitt og málstað.

Kannski eru þessar hugleiðingar mínar barnalegar og draumkenndar. En þar sem ég sit andvaka, og reyni að sjá eitthvað gott í framtíð þjóðarinnar minnar, þá dettur mér þetta í hug.

Órói undir jöklinum

Samkvæmt fyrirsögninni var vont veður við Kötlu. En hvernig ætli það hafi verið á yfirboðinu, í nágrenni Mýrdalsjökuls ?  

Vont veður undir Mýrdalsjökli

Auðvitað

Auðvitað verðum við að hafa sendiherra í Indlandi !. Við erum að hugsa um að flytja inn rafbíla frá þeim !
Skyldi húsnæði í Delí vera dýrt ? Eru Indverjar með sendiherra hér ?
Það verður að segja Össuri til hróss, að stundum getur hann verið fljótur að hugsa: Hugsanlega verður hagnaður fyrir þjóðina að fá Indverska rafbíla, en þá verður Össur búinn að eyða honum !

Afhenti forseta Indlands trúnaðarbréf

Plága 21. aldarinnar.

Einn þriðji þjóðarinnar á ekki fyrir skuldum, og atvinnuleysið eykst.
Á 18. öld þurrkaðist 1/3 landsmanna út, Lakagígagos og Móðuharðindi.
Á 15. öld þurrkaðist 1/3 landsmanna út, Svarti dauði.
Allt er þá þrennt er.

Þær ríkustu skera sig úr