Hræddir ?

Ætli sumir séu farnir að skjálfa á beinunum ?

Upplýsingavefurinn rel8 aftur opinn

Dettum íða !

Nú getum við dottið íða, og byggt eins og einn skrifstofu turn eða eitt íbúðahverfi. Eins má athuga með stofnun sendiráðs á Tortola, og gera Bjorgúlf Guðmundsson að sendiherra !

Fyrsta greiðsla Norðurlandaláns

Laugarlæk ??

Alveg ótengt ,,Frú Laugu"
Óskaplega fer það í taugarnar á mér, þegar rangt er farið með staðarnöfn, sbr. í fréttinni hér.
,,Laugalækur" var það heillin, þ.e. lækurinn úr laugunum.
Að minnsta kosti tvö fyrirtæki við Laugaveg, vita ekki hvað gatan þeirra heitir, og auglýsa sig við ,,Laugarveg". Það eru Kós leðurvöruverslun, og austurlenskur veitingastaður á ,,Laugarvegi" 60.
Laugavegur heitir svo, vegna þess að hann lá í laugarnar (í fleirtölu).
Eins sést æ oftar að Skógafoss er kallaður Skógarfoss, þetta hefur jafnvel verið prentað í ferðabæklinga og handbækur.
Þeir eru fleiri staðirnir, sem svo er farið með. Kannski er þetta bara eðlileg þróun, og ekkert við að gera, en þetta fer samt í taugarnar í mér.

Vín úr íslenskri belju

Ekki langlífur

Hann, sem hefði tekið aðeins á karlinum, hefði ekki orðið langlífur, þótt ungur væri.
Annars sýndist mér Pútín vera móður eftir slaginn.

Pútín sýnir gamla takta

Okkar framlag til loftslagsmála í heiminum

     Svanhvít og ætti að afgreiða okkar þátt í loftslagsmálum heimsins með stuttri tilkynningu:

     ,,Við Íslendingar viljum leggja okkar til betra loftslags og hreinna í heiminum, og munum byggja tvö ný álver á næstu árum. Og knýja þau með hreinni vatns eða gufu orku, sem veldur lítilli, eða engri loftmengun" !

     Það þyrfti þá ekki að byggja mengandi kola/olíu knúin orkuver annarsstaðar í heiminum til að framleiða það ál. Ál er í sjálfu sér umhverfisvænn málmur framtíðar, léttur, sterkur og auðendurvinnanlegur.

     Ég álít álver okkar, sem framlag til hreinna andrúmslofts á jörðinni.

Unnu spjöll á sendiráði Íslands

Munum flugeldana !!

Það er gott að til eru öflug tæki, til björgunar, eins og sannaðist í gær, og björgunarmenn lögðu sig í hættu við að bjarga ferðalöngunum.
Tækjakaup hjálparsveita, og rekstur er að mestu fjármagnað með flugeldasölu.
Kaupum af ,,hjálparsveitinni okkar"; sem er reiðubúin að koma okkur til björgunar hvenær sem er.

Erfitt að horfa upp á félagana

Friðarverðlaun undir vopnavernd

     Dálítið sérstakt, að afhenda friðarverðlaun yfirhershöfðingja mesta herveldis í heimi. Og undir vernd lögreglu og hers, gráum fyrir járnum.

     ,,Lengi lifi friður"!...undir vopnavernd

Gríðarleg öryggisgæsla í Ósló

Þvílíkt rugl !

Ég hélt að sýni væri tekið úr öllum, sem fara í aðgerð á Íslandi, og skil því ekki þessa leit að ,,nothæfu" lífsýni.
Mann grunar, að einhverjir aðilar séu að reyna að tefja málið, til að fá skerf af auðæfunum. Svona a´la Sonja Zorillo.

Efast um hjónaband Fischers

Kristín undir smásjánni

     Kristín Ingólfsdóttir rektor sýnir mikinn kjark, að taka á móti feðgininum úr Bónus. Nú verður hún, og allt sem hún gerir í framhaldi fundarins grandskoðað, og henni fylgt eftir í hverju skrefi.

  Ef H.H.G. verður á einhvern hátt refsað fyrir þetta ,,dreifibréfamál", er eins gott að rektor færi góð rök fyrir því. Annars opinberar hún, að Bónus auðvaldið stjórni og setji reglur Háskóla Íslands.

     Hitt er svo bara fyndið, að Bónus fólkið skuli hlaupa um grenjandi, og klaga hrekkjusvínið Hannes, eins og leikskólakrakkar. Það er kominn tími til að einhver snýti þessu fólki, og komi þeim í skilning um að þau eru ekki lengur vinsælasta og virtasta fjölskylda Íslands. Heldur með verst þokkuðu og hlægilegustu fjölskyldum landsins, og ætti frekar að halda sig til hlés, og sýna auðmýkt, frekar en að rjúka upp með hroka og frekju.

  

Svei þeim !

Jóhannes á fund rektors

Leiðsögumaður ??

Skrifað í gær, en á sama erindi í dag:

Til Þórs Magnússonar

Sæll Þór,ljótt er, ef satt er.

Ég verð að tjá mig um skrif þín, varðandi ,,Hauntediceland.com", og draugagöngu þeirra.

Hlutverk leiðsögumanna er ekki aðeins að segja ,,satt og rétt" frá landi og þjóð. Hlutverk leiðsögumanna er líka að ,,skemmta" ferðafólki, meðal annars með sögum, sem sumar hverjar standast ekki nákvæma naflaskoðun, þjóðsögur t.d..

Þessi saga, sem þú nefnir í grein þinni er greinilega ,,staðfærð og stílfærð" til að falla að þema ferðarinnar. Það er óheppilegt að hún skuli verða til að særa tilfinningar fólks, og mér finnst að fyrirtækið, sem sér um þessar draugagöngur, hefði mátt vanda örlítið betur til. T.D. er eins gott að vera með allt sitt á hreinu, þegar farið er með Íslenska ferðamenn í ferðir. Mörg dæmi eru um að flökkusögur, og jafnvel samsuða margra sagna, hafa komið illa við fólk, sem tengjast stöðum eða persónum. Má þar nefna ,,Skriðubústaðinn" undir Ingólfsfjalli og ,,bræðurna á Hallbjarnarstöðum". Öðru máli gegnir um ferðir með útlendinga, og staðfæri ég oftsinnis t.d. söguna um Djáknann á Myrká, og flyt sögusviðið suður á land, ef svo ber undir, og tel ekki mikinn skaða með því. En eins og þú réttilega nefnir, er vandmeðfarið, og nánast bannað að heimfæra raunveruleg leiði fólks til flökkusagna af því tagi sem um ræðir.

Jónas Freydal Þorsteinsson er ekki á lista yfir faglærða leiðsögumenn, hjá Félagi leiðsögumanna, né er hann með merki Ferðamálastofu á heimasíðu www.hauntediceland.com eða www.goecco.com eins og honum ber, ef hann starfar sem ferðaskipuleggjandi, með viðurkenningu og leyfi frá Ferðamálastofu.

Einnig vil ég benda á, að fleiri en einn skóli útskrifar leiðsögumenn, Ferðamálaskóli Íslands og Endurmenntun Háskóla Íslands.

Það þarf enga viðurkenningu, eða nám, frá neinum skóla til að kalla sig leiðsögumann, jafnvel faglærðann leiðsögumann, eins og þú veist, sem hefur þó margsinnis verið titlaður leiðsögumaður, en nafn þitt er ekki á skrá yfir fagmenntaða leiðsögumenn, hjá félagi leiðsögumanna.

Mér finnst eins og reiði þín beinist að ósekju að Leiðsöguskóla Íslands og að Félagi leiðsögumanna, sem hefur vissulega siðareglur, sem allir leiðsögumenn ættu að fara eftir :

file:///Users/borkur/Desktop/Félag%20leiðsögumanna%20-%20Siðareglur.webloc

Að lokum, eins og þér, finnst mér að þarna hafi ekki verið staðið vel að verki, og leiðinlegt að það skuli hafa valdið þér og fjölskyldu þinni sálarangist. En varast skyldir þú, að draga þá ályktun að atvik sem þetta sé ,,almennar starfsaðferðir" faglærðra leiðsögumanna, eða að faglærðir leiðsögumenn eða aðrir, sem að ferðamálum koma, telji þetta ferðaþjónustu í landinu til tekna.

En á meðan menntun og starfsréttindi eru einskis virt, af yfirvöldum mennta og ferðamála í landinu, er alltaf hættan sú, að metnaður of fagmennska víki fyrir öðrum sjónarmiðum.

Börkur Hrólfsson, faglærður (en réttindalaus) leiðsögumaður, frá Leiðsöguskóla Íslands.

Falsaðar sögur af látnum ekki líðandi