Bubbi byggir

Voðalega er þetta óskýr frétt.
Er þetta ekki sveitastjórnar gaurinn með barns heilann, þessi sem keypti flugmódel, (Vvrrrúúúúúmm Ratatatatata, Rauði baróninn !!), og lyftara (Brrrrr, lyfta !, slaka !) fyrir fé Grímseyjarhrepps ?
Eða var þetta bankamaður á Svalbarðseyri, sem stal ævisparnaði gamla fólksins á staðnum ?

Ákærður fyrir brot í opinberu starfi

Myntkörfulán ?

Ha, kviknaði í ?, hvíldi mikið á því ?

Eldsvoði á Skúmsstöðum

Mikið eru menn vitlausir

Þetta er nú með því vitlausasta sem ég hef séð, og hef ég nú séð margt um mína daga !Menn eru farnir að rífast um hver er mesti Fábjáni framsóknarmaðurinn.  

Eru menn ekki í lagi ?

„Bjarni móðgar framsóknarmenn"

Enga linkind

Sé þetta rétt, hlýtur krafan að vera, að hann verði lögsóttur, og lokaður inni.
Að mínu mati er þessi maður stórhættulegur, siðblindur glæpon af verstu sort.
Þessir menn virðast telja sig yfir öll lög og reglur hafna, og vaða hér yfir allt og alla á skítugum skónum,
og JÁJ. hefur sýnt þjóðinni hvert er hans innra eðli upp á síðkastið, með alveg ótrúlegri ósvífni.
Það er kominn tími til að lækka aðeis rostann í honum og hans líkum.
Hræddur er ég um að ef einhver "nóbodí" út í bæ, hagaði sér eins og þessir "óreiðumenn" gera, væri búið að stoðva það.
Það verður að stöðva þetta fólk, og jafnvel að setja það bak við lás og slá, svo hægt sé að rannsaka umsvif svikanna.

Það má heldur ekki láta það viðgangast, að ein einasta launafjölskylda í landinu missi eigur sínar fyrr en búið er að gera eigur "Óreiðumannanna" upptækar.

Krafan er: Allt upp á borðið, engum skal hlíft.

Sýnist Jón Ásgeir hafa framið nýtt lagabrot

Reiðin stigmagnast

Það verður að vekja ráðamenn til vitundar, og koma þeim úr afneituninni.
"Mála bæinn rauðan", sprengingar við Alþingi, þeir verða að fara að skilja hvernig "Skrílnum" líður.

Máluðu Valhöll rauða í nótt

Af hverju gerist ekkert ?

Því ganga forsprakkarnir, þeir sem bjuggu þetta ástand til, lausir ?
Því er ekki búið að handtaka þá ?
Því er ekki búið að haldleggja ALLAR eigur þeirra ?
Hvers vegna er ekki komin einhver ákveðin stefna frá yfirvöldum ?
Því axla menn ekki ábyrgð ?
Verður endirinn sá, að hér verður þjóðar gjaldþrot ?
Verður ríkisstjórnin látin sitja áfram ?
Verðum við áfram með sömu yfirmenn í Seðlabankanum ?
Verður öll þjóðin, nema þeir ábyrgu dregin til ábyrgðar ?
Ert þú tilbúin að borga fyrir græðgi/þjófnað fárra manna ?
Tapaðir þú ævisparnaðinum?
Munt þú missa vinnuna ?
Munt þú missa húsið ?
Munt þú missa bílinn ?
Mun fjölskylda þín standa af sér erfiðleikana ?
Finnst þér þetta í lagi ??

Látum í okkur heyra !!

Hættum ekki fyrr en "Óreiðumennirnir" og þeir sem með aðgerðarleysi héldu yfir þeim hlífisskildi eru farnir, og helst komnir á bak við lás og slá !!

Jón Ásgeir kom með flugi frá London í gærkvöldi, það beið hans dýrasta týpa af Bens, með einkabílstjóra. Skyldi hann hafa verið með reiðufé til að kaupa fleiri fyrirtæki ?
Því er ekki búið að stöðva þetta fólk ?
Hversvegna getur hann ferðast frjáls eins og fuglinn ?
Ekki getur þorri almennings það, úr skuldafangelsinu, sem þeir settu þjóðina í.

Vaxandi reiði í garð Íslendinga

Er ekki nóg komið ?? Tekur óréttlætið engann enda ??

Er sviptinf ökuleyfis ekki refsing ??
Engar bætur eru greiddar fyri rangláta sviptingu Ökuleyfis. Hvað ef þetta hefði verið "einhver" ?, þá er ég ansi hræddur um að öðruvísi hefði verið tekið á málunum.
Er ekki kominn tími til að fara að hugsa sig aðeins um ?, og skifta út einhverju af þessu gjörspillta og siðblinda liði, sem heldur um stjórnartaumana ?
Saklaust fólk er pínt og kúgað, bótalaust. Óeirðarlögreglu er sigað á friðsamleg mótmæli, sbr. Rauðavatn. Barnaníðingar fá smánardóma. Nauðgurum og ofbeldismönnum er hleypt úr landi, áður en þeir taka afleiðingum gerða sinna. Ofbeldismönnum er hleypt úr fangelsi, vegna fjölskyldutengsla. "Hvítflibbar" fá að stela sparifé þjóðarinnar, í skjóli ráðamanna. Þeir rannsaka sjálfa sig.
Rannsóknarmenn eru látnir rannsaka meinta glæpi fjölskyldna sinna. Skuldir aðalsins eru þurrkaðar út, en almúginn er hundeltur og þarf að borga hvað sem það kostar, ellegar verða borinn út á guð og gaddinn.
Og hvenig bregðast yfirvöld við?, jú, þeir stofna sveitir "hvítstakka" til að berja á lýðnum, og útbúa brynvagna í baráttu sína við hungraðann og hræddan lýðin, Svei attann!!

Þetta er fyrirmyndarlandið Ísland, landið sem við elskum öll, en er í höndum ræningja og illmenna!

Og svo halda menn því fram, að hér þrífist engin spilling!!

Sviptur ökurétti saklaus en fær ekki bætur

Það er byrjað !

Fólk er farið að örvænta, og þá er stutt í algjört kaos.

Erilsöm nótt hjá lögreglunni

Förum heim !

Ég hitti vísan mann í morgun, og hann sagði mér frá hugmynd, sem hann hafði til lausnar þeim vandræðum sem við erum í. Lausnin var:
Afhendum Norðmönnum Drekasvæðið til olíu vinnslu, og tökum upp Norska Krónu, og fylgjum henni. Í staðinn borga Norðmenn okkur út, og aðstoða okkur við að endurheimta virðingu fjármálaheimsins. Norðmenn hafa allt til að bera til að gera eitthvað úr þessu svæði, ef það er eins mikil olía þar, og menn segja. Þeir kunna til verka, þeir eiga græjurnar, og þeir hafa fjármagn til að byrja strax, svo hagnaður fer fljótt að skila sér. Við myndum semja um að borga aðstoð þeirra tilbaka með leigunni á svæðinu, og sanngjörn skifti á ágóðanum.
Norðmenn eru frændur okkar og forfeður, og það er ekki eins og þetta væri í fyrsta skifti, sem við leituðum til þeirra í nauð. Íslendingar gengust Noregskonungi á hönd á þrettándu öld, og í hundrað þrjátíu og fimm ár vorum við norsk nýlenda, og ég held að það hafi verið þokkalegir tímar. Fyrir sakir pólítíkur, og græðgi Dana vorum við svo Dönsk nýlenda í rúmlega fimm hundruð ár, og ég er ekki jafn viss um að það hafi verið góðir tímar.
Er ekki kominn tími til að við, brotthlaupnir Norðmenn, viðurkennum upprunann, og snúum heim, eftir tvöhundruð ára fjarveru frá forfeðrum okkar, sem eru ábyggilega með opinn arminn, til að taka á móti "Týndu sonunum", þegar við höfum spilað rassinn úr buxunum.
Gerum eins og Egill sterki, sem hljóp grenjandi til mömmu, þegar Skallagrímur hýddi hann fyrir að læðast aftan að hrekkjusvíninu, og drepa það.
Förum heim, með tóma vasa, og sultardropa á nefinu, og byðjum kónginn að hjálpa okkur.

Var Snorri Sturluson ekki örugglega Norðmaður ??

Hafna upptöku norskrar krónu

Keðjulausir um miðja nótt

Mér sýnist að bíllinn á myndinni sé keðjulaus.  Maður veltir því fyrir sér, hvað rekur bílstjórana til að reyna að fara yfir heiðar og fjallvegi keðjulausir, um miðja nótt.  Er það bónusgreiðslur?, eða hræðsla við að missa vinnuna?, eða hrein og klár vankunnátta ?.  Hefðu keðjur verið notaðar, ætti þetta varla að gerast.  

Flutningabílar fastir í skarði