Laugarlæk ??

Alveg ótengt ,,Frú Laugu"
Óskaplega fer það í taugarnar á mér, þegar rangt er farið með staðarnöfn, sbr. í fréttinni hér.
,,Laugalækur" var það heillin, þ.e. lækurinn úr laugunum.
Að minnsta kosti tvö fyrirtæki við Laugaveg, vita ekki hvað gatan þeirra heitir, og auglýsa sig við ,,Laugarveg". Það eru Kós leðurvöruverslun, og austurlenskur veitingastaður á ,,Laugarvegi" 60.
Laugavegur heitir svo, vegna þess að hann lá í laugarnar (í fleirtölu).
Eins sést æ oftar að Skógafoss er kallaður Skógarfoss, þetta hefur jafnvel verið prentað í ferðabæklinga og handbækur.
Þeir eru fleiri staðirnir, sem svo er farið með. Kannski er þetta bara eðlileg þróun, og ekkert við að gera, en þetta fer samt í taugarnar í mér.

Vín úr íslenskri belju

Athugasemdir

[Ragnheiður , 21.12.2009 kl. 16:04]

Sammála þessu hjá þér, um daginn tók steininn úr á MBL á netinu. Þar var fjallað um vandræði sveitarfélagsins Álftaness og í fyrirsögn stóð ; Álftarnes .......