Kunna blaðamenn ekki málfræði ?

http://www.dv.is/frettir/2009/11/11/aevintyri-i-obyggdum-rak-burt-isjaka/

Stundum sér maður innsláttarvillur og stafsetningarvillur, en þetta er það skrýtnasa, sem ég hef séð:

,,Sautján ára piltur var hætt komin á dögunum þegar hann var á ísbjarnaveiðum ásamt frænda sínum á heimskautasvæði Kanada. Pilturinn, sem er sautján ára, varð viðskila við frænda sinn þegar þeir voru staddir um sautján kílómetrum frá smáþorpinu Coral Harbour.

Frændurnir voru á vélsleða en svo óheppilega vildi til að hann bilaði. Þar sem mennirnir voru símalausir ákváðu þeir að ganga sem leið lá í þorpið. Þeir urðu þó viðskila við hvorn annan og rak þeim yngri burt á ísjaka. Tilkynnt var um hvarf þeirra seint á laugardag en frændi piltsins fannst heill á húfi á sunnudagsmorgunn.

Óhætt er að segja að saga yngri piltsins sé lyginni líkust enda hafði honum rekið burt á ísjaka á svæði sem er mjög erfitt yfirferðar fyrir björgunarsveitamenn. Pilturinn komst meðal annars í návígi við svangan ísbjörn sem var með þremur húnum. Þurfti pilturinn að skjóta ísbjörninn til að forðast það að vera étinn.

Það var svo þegar farið var að kvölda á sunnudag að flugmaður lítillar flugvélar kom auga á piltinn þar sem hann var á ísjakanum. Hann missti þó sjónar af honum skömmu síðar. Á mánudagsmorgunn fannst hann hinsvegar aftur og hafði honum þá rekið um 32 kílómetra leið frá staðnum þar sem vélsleðinn fannst. Tveir björgunarsveitarmenn náðu í piltinn með því að stökkva úr flugvél í fallhlífum. Pilturinn þjáðist af ofkælingu þegar hann fannst en læknar búast við því að hann nái sér að fullu"

Þetta var á DV.is, einkennilega farið með beygingar.