Er Bláa lónið fyrir Íslendinga ?

Ég rakst á þetta hjá Dr. Gunna:
http://blogg.visir.is/drgunni/?p=348
Aðgangur að bláa lóninu er 3200 Kr., og 1100 Kr. fyrir unglinga og gamalmenni. Að leigja sundföt eða handklæði kostar 600 Kr. Þetta verð er samkv verðlista á www.bluelagoon.com
Á síðasta ári hækkaði aðgangur að lóninu næstum 100% og eitthvað segir mér, að enn muni aðgangurinn hækka í verði þann 1. Júní, þegar ,,sumarverð" tekur við.
Kaffi í plastmáli kostar 240 Kr., engin ábót, og meðlætið er með því dýrasta, sem ég hef séð. Má gera ráð fyrir því að kaffi og meðlæti sé ekki undir 1000 Kr.
Aðgangseyrir í sundlaugar er u.þb. 300-400 Kr, og leiga er ca. 250 Kr.. Kaffi er víða gefins, eða mjög ódýrt, u.þ.b. 100-150 Kr.
Mér finnst Bláa lónið dýrt, og veitingar eru dýrari en gerist og gengur, þó eflaust megi finna dýrari veitingar einhversstaðar.
Mér varð það á, að segja ferðamönnum, sem ég var með þar, að Bláa lónið væri dýrt. Og það sem meira var, einhver sá ástæðu til að klaga í vinnuveitanda minn, og fyrir það var ég umsvifalaust rekinn úr starfi.
Það þykir mér sýna örvæntingu Bláa lóns fólks.
Hvað finnst þér ?