Þróunaraðstoð til Íslands !

Það væri nær fyrir stjórnvöld, að veita eigin landi þróunaraðstoð !

Ísland hætti þróunaraðstoð við Úganda

Hitalögn !!

Ég veit að þetta er bölvuð tilætlunarsemi, en væri ekki tilvalið að nota allt heita vatnið, sem rennur í læk meðfram göngustígnum, í hitalögn til að fært verði um göngustíginn að vetri, jafnt sem sumri.

Reykingar verða bannaðar við Geysi

Gott hjá Isavia !

Nú, þegar þúsundir ganga atvinnulausir og mæla göturnar, er gott að fyrirtækið vill búa til ný störf með því að senda eftirlaunaþega heim til að njóta eftirlaunanna.
Það mættu fleiri taka Isavia sér til fyrirmyndar hvað þetta varðar.

Gert að hætta störfum 67 ára

Veðravíti á Þjóðveg 1 !!

Ragnheiður Tryggvadóttir skrifar um ,,veðravítið" Víkurskarð á Vísis bloggi sínu, og hve hún myndi glöð borga ,,smá skatt" fyrir að fá göng undir Vaðlaheiði, frekar en að eyða nótt af páskafríinu föst í bílnum:

Ragnheiður Tryggvadóttir skrifar:Ég þekki hjón sem gistu eitt sinn heila nótt í bílnum sínum uppi í Víkurskarði með þremur ungum börnum. Fjölskyldan ætlaði sér yfir í næstu sveit yfir páskahelgina og lagði af stað í góðu veðri frá Akureyri. Það var líka gott veður í sveitinni þangað sem ferðinni var heitið, en í skarðinu lentu þau í blindbyl og sáu hvorki hvað sneri upp né hvað sneri niður. Björgunarsveit á snjóbíl bjargaði þeim í dagrenningu ásamt fjölda fólks sem einnig hafði eytt nóttinni í skarðinu. Fjölskyldunni varð ekki meint af, enda vel búin og nestuð.Víkurskarð er veðravíti á þjóðvegi 1. Þar uppi getur verið kolvitlaus bylur en logn og blíða sitthvoru megin við. Þegar ég sótti skóla á Akureyri í eina tíð átti ég leið um skarðið ófáar helgarnar. Foreldrar mínir hringdu þá jafnan um nærsveitir að leita eftir einhverjum sem ég gæti verið í samfloti við yfir skarðið. Það var ekki ráðlegt að leggja á það einn.Ég veit ekkert hvað kostar að ryðja þetta skarð á veturna. Ég veit heldur ekkert hversu margar ferðir á vetri eru farnar þangað upp eftir að bjarga vegfarendum sem festast þar í snjóbyl, né hvað þær kosta eða hver borgar. Ég veit ekki hversu margir bílar fara þar út af snarbrattri hlíðinni á ári vegna hálku og ég hef ekki hugmynd um hversu margir metrar af vegriðum hafa verið settir þar upp, eftir að einhver bíllinn fór einmitt út af. Ég veit ekki hvað hallinn á veginum er margar gráður sitt hvoru megin niður af skarðinu né um hversu mörg prósent veggrip hjólbarða minnkar í rigningu, ísingu, snjó eða roki.Ég veit heldur ekki nákvæmlega hversu margir bensínlítrar né hversu margar krónur sparast við að aka beinustu leið gegnum göng í Vaðlaheiði á jafnsléttu. Ég hef heldur ekki reiknað nákvæmlega hversu margar mínútur ég spara á ferð minni við það að aka í gegnum göngin. Ég veit ekkert hversu margir eru með eða á móti því að Vaðlaheiðargöng verði grafin yfirleitt.Ég veit þó að sjálf mun ég fegin keyra þessi göng, verði þau að veruleika, og borga fyrir það toll. Ég hugsa að sá tollur verði alltaf lægri en hinn, það er sá tollur að þurfa að eyða nótt af páskafríinu í blindbyl uppi í skarði.

Eigum við að velta fyrir okkur öðrum ,,veðravítum" á Hringveginum ?:

Sandskeið, Hellisheiði, við Ingólfsfjall, Holtin, undir Eyjafjöllum, Skógasandur, Víkin, Mýrdalssandur, við Lómagnúp, við Hof í Öræfum, Fagurhólsmýri, við Kvísker, Lón, Álftafjörður, Hvalsnesskriður, Möðrudalsöræfi, Öxnadalsheiði, Vatnsskarð, Holtavörðuheiði, Hafnarfjall og Kjalarnes, bara til að nefna það, sem mér kom fyrst í hug.

Það væri gott að fá göng undir öll þessi svæði, þá þyrfti maður ekki að athuga veðurspár, eða sýna eðlilega aðgæslu áður en maður legði í langferð !   Nú, eða bara búa sig og bílinn miðað við aðstæður og árstíð.

Það hefur þegar gerst !

,,Þau gögn sem nefndin aflaði sér um málið benda til þess að innköllunarleið Samfylkingarinnar muni leiða til mikillar upplausnar og gjaldþrota í sjávarútvegi og valda miklum usla í íslensku efnahagslífi." Segir Björn Valur Gíslason.
Hefur BVG ekki áttað sig á, að sjávarútvegsstefnan hefur þegar leitt ,,til mikillar upplausnar og gjaldþrota í sjávarútvegi og valdið miklum usla í íslensku efnahagslífi"

Leiðir til gjaldþrota í sjávarútvegi

Vera varkár

Einhvernveginn minnir þetta á yfirlýsingar ráðamanna, rétt fyrir hrun.

Öruggt að fjárfesta á Íslandi

Austar ?!

Væri ekki ráð að færa fljótið vestur fyrir höfnina, svo að ráðandi straumar bæru framburðinn frá höfninni ?

Unnið í Markarfljóti

Ekki viljandi ?

,,Talið er að bílstjórinn hafi misst stjórn á ökutækinu og hafnað utan vegar"
Það er þá ekki grunur um ,,ásetning" !

Bílvelta nálægt Fáskrúðsfirði

,,Meter" ??

Það fer einhveginn alltaf asnalega ,,í mig", þegar fólk notar útlenskuslettur eins og ,,meter" og ,,liter", og fleira í þeim dúr.

Er Íslenskan að þróast í sömu átt og danska t.d., að verða einhverskonar ,,slettumál"?

Sentímetri, Metri, Kílómetri, Lítri, Niðurhala, og fleiri fullkomlega góð Íslensk orð verða æ sjaldgæfari, en sletturnar sjást og heyrast æ oftar.

Kannski er þetta bara ,,geðvonsku, þynnku nöldur", en ég bara ,,fokking fíla þetta ekki"!

Festu bíl í Víkurskarði

Rjúpan eftirsótt

Þetta óhlýðna hænsn hefur komið mörgum í vanda, enda eftirsóttur jólamatur víða.

,,Einu sinni boðaði María mey alla fuglana á fund sinn. Þegar þeir komu þangað skipaði hún þeim að vaða bál. Fuglarnir vissu að hún var himna drottning og mikils megandi. Þeir þorðu því ekki annað en hlýða boði hennar og banni og stukku þegar allir út í eldinn og í gegnum hann nema rjúpan. En er þeir komu í gegnum eldinn voru allir fæturnir á þeim fiðurlausir og sviðnir inn að skinni og svo hafa þeir verið síðan allt til þessa dags og hlutu þeir það af því að vaða bálið fyrir Maríu.En ekki fór betur fyrir rjúpunni sem var sú eina fuglategund sem þrjóskaðist við að vaða eldinn, því María reiddist henni og lagði það á hana að hún skyldi verða allra fugla meinlausust og varnarlausust, en undireins svo ofsótt að hún ætti sér ávallt ótta vonir nema á hvítasunnu, og skyldi fálkinn sem fyrir öndverðu átti að hafa verið bróðir hennar ævinlega ofsækja hana og drepa og lifa af holdi hennar.En þó lagði María mey rjúpunni þá líkn að hún skyldi mega skipta litum eftir árstímunum og verða alhvít á vetrum, en mógrá á sumrum, svo fálkinn gæti því síður deilt hana frá snjónum á veturna og frá lyngmóunum á sumrum.Þetta hefur ekki úr skorðum skeikað né heldur hitt að fálkinn ofsæki hana, drepi og éti, og kennir hann þess ekki fyrr en hann kemur að hjartanu í rjúpunni að hún er systir hans enda setur þá að honum svo mikla sorg í hvert sinn er hann hefur drepið rjúpu og étið hana til hjartans að hann vælir ámátlega lengi eftir. (Þjóðsagnasafn Jóns Árnasonar)"

Leituðu að rjúpnaveiðimönnum