Hvað með hin lánin ?

Er ekki nær, að setja einhverskonar neyðarlög um öll hin lánin ?
Bílalánin, mótorhjólalánin, vélsleðalánin, hjólhýsalánin eða sumarhúsalánin ! Þetta eru lánin, sem eru að gera flestum lífið erfitt, fólk situr uppi með þessi helv.... lán, og ef það reynir að hætta, þá fær það margra milljóna skuld í hausinn strax ! Það má ekki gleyma þessu, og að þetta eru lánin, sem gera það að verkum að fólk getur ekki borgað húsnæðislánin.

Vill neyðarlög um íbúðalán

Athugasemdir

[Marinó G. Njálsson, 29.4.2009 kl. 13:26]

Börkur, við hjá Hagsmunasamtökum heimilanna höfum vakið athygli á lagaóvissu varðandi gengisbundin lán.  Samkvæmt greinargerð með frumvarpi að lögum nr. 38/2001 er lagt bann við því að tengja skuldbindingar í íslenskum krónum við dagsgengi erlendra gjaldmiðla.  Aftur á móti er ekki lagt bann við tengingu vaxta við LIBOR vexti.  Við teljum að þetta gæti hreinlega þýtt að öll slík eigi einfaldlega að vera í íslenskum krónum en bera vexti samkvæmt lánasamningnum.  Ég tel að þetta gæti lækkað verulega greiðslubyrði annarra lána en húsnæðislána.  Ég hélt reyndar að tillögur TN ættu að ná til þessara lána líka, en líklegast er hann bara ennþá með þær á teikniborðinu.  Þær voru í vinnslu síðast þegar ég ræddi við hann.

[Sævar Finnbogason, 29.4.2009 kl. 14:19]

Öll verðtryggð lán eru að gera lífið leitt. Auðvitað væri sanngjarnast að öll verðtryggð lán yrðu færð á þann stað sem þau voru fyrir hrun. Við pöpullinn gátum ekki gert ráð fyrir þessu sem við stöndum nú frammi fyrir þegar við tókum lán, hvað sem til stóð að kaupa fyrir það.

En ef það er ekki hægt eru spurningin hvað á að gera. Þá byrjum við að verðtryggðu húsnæðislánunum því þar eru stærstu upphæðirnar og mest í húfi að fólk hafi þak yfir höfuðið.