Börkur Hrólfsson

10.1.2009 | 21:03

Hvar varst þú ??

Var í Goðafræðimiðstöðinni í dag

:http://www.touristguide.is/index.php?option=content&task=view&id=1511&Itemid=

En rétt eftir tvö fór ég að tygja mig til Austurvallar. Þar var fjöldi fólks samankominn, og einhvernveginn var sérstakur andi svífandi yfir í dag. Samheldnin, undirliggjandi reiðin,

og baráttuviljinn var næstum áþreifanlegt. Ræðumaður dagsins var án efa Lárus p. Birgisson, sem talaði með eldmóð hins reiða manns. Mann langaði næstum til að fara og rífa Alþingishúsið til grunna, eftir að hafa hlustað á hann, slík voru áhrifin. Þarna voru með öðrum: Hermann, ástmögur Svía, og Börkur hinn atvinnulausi.

Einnig var Dögg á skrifstofunni þarna:

Og Hlín frænka mín, (verð að monta mig af frændseminni)

Ingi Gunnar leit til

himins

Lára Hanna og Þórhildur, Glæsilegar !!

Stefán Helgi fréttahaukur leiðsögumanna var mættur:

Leit við Í Iðnó á heimleiðinni, og hlustaði um stund, en gafst fljótt upp, því þar var ekkert nema lyga áróður Hamas að heyra. Ég held að þetta fólk viti ekkert um hvað stríðið í Ísrael snýst.

En hvar varst þú??

Varst þú kannski í Kringlunni, eins og margir ? Varðar þig ekkert um ástand efnahagsmála á Íslandi ??

Ertu kannski bara helvíti sáttur með aðgerðaleysi ráðamanna gagnvart þeim, sem sett hafa þjóðina á hausinn ??

Eða "Sparnaðar ráðstafanir" ríkisstjórnarinnar ?? Gamalt fólk flutt hreppaflutningum, (einskonar Breiðuvíkur gjörningur) til að "spara" ??

Er þetta það sem við eigum skilið ??

Að eyða ævinni í að vinna eins og skepnur, til að Fjárglæframenn í skjóli stjórnvalda geti gert eigur okkar einskins virði, og gott betur. Komið okkur í stórskuld, og þegar við höfum skilað ævistarfi okkar til uppbyggingar þjóðfélagsins, þá verða brotin á okkur öll mannréttindi, og við flutt nauðungarflutningum eitthvert sem hentar auðvaldinu hverju sinni. Að sjálfsögðu verður eignaréttur okkar að engu gerður. Og svo er ráðist á hin lægs launuðu okkar, ræstinga fólk á sjúkrastofnunum, og atlaga gerð að tilveru þess.

Ath. ekki er hugmyndin að leggja störf þeirra niður, heldur að bjóða þau út erlendis, til að reyna að lækka þessi lágu laun enn meir. Er þetta það sem þú vilt ??

Ef þú varst í Kringlunni, eða límdur við sjónvarpið í dag, þá skaltu muna að þú átt tilveru þína, og velferð undir fólki, sem forgangsraðar rétt, og berst fyrir bættum kjörum og réttlæti með þeim einu aðferðum sem duga : SAMSTÖÐU!!

Þetta: http://larahanna.blog.is/blog/larahanna/ ætti að vera skyldulesning allra.