Takmarka aðgang !

Þetta svæði er sennilegasta hættulegasta ferðamannasvæði landsins. Þarna verða fjölmörg slys ár hvert, teljast líklega í tugum. Flest þessi slys verða þegar fólk, mest útlendingar, eru án staðkunnugs leiðsögumanns.
Mér finns alveg athugandi að takmarka aðgang að svæðinu, þar sem viðvörunar skilti hafa greinilega ekki skilað árangri í að fá fólk til að passa sig. Reyndar er þetta vegna vanþekkingar fólks á aðstæðum.
Veit ekki aæveg hvernig, en eitthvað þarf að gera til að koma í veg fyrir þessi síendurteknu slys á svæðinu, við þurfum ekki þessa auglýsingu fyrir ferðamennsku á Íslandi.
B-)

Datt í hver og brenndist á fæti

Athugasemdir

[Jón, 15.4.2012 kl. 13:47]

Það mætti takmarka aðgang einfaldlega með því að girða af svosem einn meter frá hverinu allan hringinn. Að sjálfsögðu getur fólk auðveldlega farið inn fyrir en það er ekki tilgangurinn. Bara með því að hafa einhverskonar girðingu í kring þá fer fólk að fara varlegra um svæðið.

Einsog er þá eru held ég öll hverin opin og óafgirt, þú þarft bara að vera horfa í aðra átt í smástund til þess að labba óvart beint ofaní hver. En ég er á móti einhverri svaka girðingu ... bara nokkrir litlir staurar og band á milli.

[Helgi Heiðar Steinarsson (IP-tala skráð) 15.4.2012 kl. 14:31]

Maður getur séð fyrir sér einhvern vitleysing vera að senda SMS og labba beint ofan í bullandi heitan hver. Ég tek undir orð Jóns. Þeim sem skríða svo yfir þetta er ekki bjargandi.

[corvus corax, 15.4.2012 kl. 14:49]

Viðvörunarskilti á fleiri tungumálum en íslensku ætti að nægja. Ef fólk getur ekki tekið mark á viðvörunum má það bara taka afleiðingunum. Það er hrein vitleysa að ætla sér að girða af alla staði sem ekki eru 100% öruggir. Þá þyrfti að girða landið allt af og hleypa engum inn, hvorki Íslendingum né útlendingum. Það er lágmark að fólk fari eftir viðvörunum en þá verða þær líka að vera til staðar. Að öðru leyti getur fólk borið ábyrgð á sjálfu sér fyrst það fær á annað borð að ganga laust.