Skemmtileg þjóð !

     Ég fór út að leika mér á jeppanum í snjónum, í dag. Fyrst þurfti að setja eldsneyti á gripinn. Þegar það var búið, sá ég í hendi mér, að ég hefði ekki efni á að fara langt. Sem betur fer eru olíufélögin með hag neytenda í fyrirrúmi, og Skeljungur hafði búið til þetta líka myndarlega snæfell á planinu hjá sér. Fetaði ég í hjólför Antons fjallagarps, og lék mér í fjallshíðunum.  

     Því næst lá leið mín í Breiðholtið, og þar voru strákarnir á stóru bílunum að sýna listir sínar.  

  Begga var ekki skemmt ! 

 

     Þar hafði snjóruðnings bíll lent í illa merktum skurði, og hjólasettið stórskemmst, svo að bíllinn varð óökufær, og hvað gera menn þá ?

  Jú kalla á mennina með stóru kranana:  

 

 

 

 

 

 

 

  

 

 

 

 

 

 

 

 

 

 

 

 

 

 

 

   Skemmdir eru talsverðar, skamm!, verktakar

 

 

 

 

 

 

 

 

 

 

 

     Og ekki voru þeir alveg aðgerða lausir í Hafnarfirði.  Þar hafði ungur ökumaður farið heldur geyst í beygju, og næstum farið fram af stæðinu heima:  

 

 

 

 

 

 

 

 

 

Fyrst kom Krókur:  

 

 

 

 

 

 

 

 

 

 

 

 

  En ekkert gekk, Þá kom alvöru bíll, með krana, og þá gekk loksins að koma bílnum af veggnum.  

 

 

 

 

      Mér datt í hug, að þessi ungi maður hefði ekki heyrt í útvarpinu í gær.   Vegna snjókomu, sá lögreglan ástæðu til að vara við hálku !!  Eins gott, því við vorum löngu búin að gleyma að það getur verið sleipt í snjó.

 

 

 

 

 

     Næst lá leið mín á gámastöð Sorpu, og þar sá ég að þjóð í kreppu, á ennþá nægt fé, til að geta hent verðmætum:  

Þarna má sjá, meðal annars Trek reiðhjól, sem kostar nýtt u.þ.b. 60.000 krónur, virtist vera í góðu lagi.  

Einnig var þarna ágætis Bullworker æfingatæki, gæti komið sér vel að koma sér í form fyrir sumarið.  Einnig mátti sjá þennann líka fína skrifstofustól.  Já, Íslendingar eru rík þjóð !

 

 

 

 

 

 

 

 

 

    Eftir þetta var nú komið að því að fá sér kaffisopa hjá honum Jóni ,,á Skallanum", lesa blöðin og komast að því að við erum stórskrýtin þjóð:

     Ennþá er hægt að kaupa trúnaðargögn hjá Spron, enda banka leynd ekki til á Íslandi.

Landsbankinn auglýsti ,,peningaráðgjöf"  og ráðgjöf varðandi viðskifti við lífeyrissjóði.  En í Mogganum frá í gær, lýsir Friðbert Traustason, framkvæmdastjóri samtaka bankastarfsfólks því yfir, að bankafólk beri enga ábyrgð !!

 

     Radisson SAS heitir nú Radisson Blu, Radisson menn hafa reynt að afsaka nafnabreytinguna með því að ,,BLU" vísi til menningar arfs, og þess sem hótelið stendur fyrir ??

  Er ekki bara verið að skifta um kennitölu ?

 

     Lyf og Heilsa (hverjir eiga það ?)  var dæmt til að borga helling vegna þess að það hafði notað markaðsstöðu sína til að koma í veg fyrir samkeppni á Akranesi.  Þeir höfðu meira að segja reynt að hafa áhrif á veitingu lyfsöluleyfis til keppinautarins hjá ráðuneytinu. 

  Og þeir skilja ekkert í þessum dómi, og áfrýja !!!

 

     Og á svipuðum slóðum.  Einn af orsakavoldum bankahrunsins telur sig ennþá ,,mann fólksins" !!  Hvaða veruleika lifir þetta fólk í ??

 

     Í blaðinu var einnig sagt frá því, að menn yrðu dæmdir fyrir að borga fyrir kynlíf, vegna þess að sú sem fékk borgunina var ekki konan þeirra !!

 

     Og meira af dómstólunum, það kostar víst ekki nema 3og1/2 ár, að drepa mann á Íslandi í dag !!

 

     Þetta er alveg stórskrýtin þjóð, meira að segja hreindýrin synda til hafs og reyna að komast burt.  Og svo er Þorsteinn Pálsson víst ábyrgur fyrir ,,drápshvalnum" í Ameríku.

 

  En Reykjavík er ,,besta borgin til að skella sér í sund" samkvæmt ,,Business traveler"

 

     Má bjóða þér ,,Karteflu ??